१९ वर्षमै कांग्रेसको वडा सभापति बने पवन कार्की

महेन्द्रनगर । नेपाली कांग्रेसको १५औँ महाधिवेशनअन्तर्गत मुगुको सोरु गाउँपालिका–३ मा १९ वर्षीय पवन कार्की वडा सभापतिमा चयन भएका छन् ।

शनिबार सम्पन्न वडा अधिवेशनबाट कार्कीको नेतृत्वमा २० सदस्यीय वडा कार्यसमिति गठन गरिएको हो । पार्टीको संगठनमा युवा पुस्ताको सहभागिता र नेतृत्व विकासलाई प्राथमिकता दिने उद्देश्यअनुरूप कार्कीलाई जिम्मेवारी दिइएको कांग्रेस नेता धर्मराज शाहीले बताएका छन् ।

उनले युवालाई पार्टीको नेतृत्व तहमा अवसर दिनुपर्नेमा जोड दिँदै आफ्नो समूहले वास्तविक युवाहरूलाई संगठनको जिम्मेवारीमा पुर्‍याउने नीति लिएको दाबी गरे ।

युवालाई नेतृत्वमा स्थापित गर्ने विषयसँगै शाहीले पार्टीभित्रको अर्को समूहप्रति टिप्पणीसमेत गरेका छन् ।